Digital India Week pualin Gov't Mamit College leh Gov't Mamit Higher Secondary School ah te "Workshop" neih a ni a, He mi atan hian topic-ah "Workshop on Social media & Cyber Security" tih hman a ni.

Hemi workshop atan hian resource person ah Lalhruaizela (NIC), Victor Lalawmpuia (MCS) leh P.C.Laltanpuia (SDPO) ten IT lama kan hmasawn dan leh IT nihphung te an sawi a.

Pu Lalhruaizela (NIC) chuan e-Learning chungchang ah zirtirna pe in a sawifiah a, advance technology lam hawi a ni bawk zirlai ten an ngaihven hle.

Pu Victor Lalawmpuia (MCS) chuan tunlai kan hman lar tak social media lam a sawifiah a, kan hmang tangkai dan tur leh kan hlawkpui dan tur a sawi uar hle a, changkanna in IT lam ah pawh min ti fing chho zel a, mahse kan hmandan ah kan fimkhur a ngai tih a sawi.

Pu P.C Laltanpuia (SDPO) chuan Cyber security leh Cyber Crime lam ah kan harh a tul zia a sawi a, hrechianglo a mi chanchin lo thehdarh kual leh thlalak dukdaklo/maksak tak tak pu darh tu nilo turin zirlai te a chah bawk a ni.

He Workshop hi Pi J.H Lalparmawii (DIPRO) in a kaihruai a, Pu Lalremmawia e-Dist Manager chuan e-Governance chungchang a sawifiah bawk a ni.