Dated Mamit, the 2^nd February, 2017

ORDER

Kumtin sik leh sa a inthlak danglam thin a, tunlai hi thallai niin khua a lo ro tan ta hle mai. In lam leh ram lamah kangmei a chhuak duh em em a. Kan eizawnna avangin lo kan vat lo thei lo a, kan lo hal avang leh in lama kan fimkhur tawk loh avangin kumtinin ramngaw zau tham tak mai a kang chhe thin a, tin, kan in leh bungrua hlu tak tak a kang ral bawk thin. Ram kang leh in kang te hi a tam ber chu kan fimkhur tawk loh vang leh kan inthlahdah vang a ni a. Lo/huan leh leipui kan hal dawnin mei kawng kan sial that loh a vang in ram kan tikang fo thin a ni. Kangmei laka kan in leh lo, bungrua, ramngaw leh nungchate an him theih nan khapna thupek chhuah hi thil tul tak a ni a.

Chuvangin, kei, LALBIAKSANGI, MCS, District Magistrate, Mamit District, Mamit chuan Section 144Cr.PC in thuneihna min pek hmangin a hnuaia mi ang hian khapna thupek ka chhuah e –

1. Mi tumahin March Ni 15, 2017 hnu lamah lo/huan leh leipui an hal tur a ni lo.
2. Mi tumahin meilam tha tawk sial hmasa lo chuan lo/huan leh leipui an hal tur a ni lo.
3. Mi tumahin mihring nunna leh bungraw/ro thil tana hlauhthawnawm chi reng rengin kangmei an ti chhuak tur a ni lo.
4. Mi tumahin eirawngbawlna leh ranchaw chhumna leh intihlumna atana hman thuk, meihawl, khawnvartui, gas, electric thuk, etc kangmei tichhuak thei zawngin an chelek/hmang tur a ni lo.
5. Mi tumahin ramhnuaia an meichhem ti mit lo in an kalsan tur a ni lo.

He thupek hi hman nghal tur a ni in, sut leh a nih loh chuan thlahnih chhung atan hman tur a ni. He thupek bawhchhiate chu section 188 IPC angin hrem theih a ni.

Vawiin 2^nd February, 2017 hian he Court Seal nen hming ka ziah hnan e.

Sd/-LALBIAKSANGI

District Magistrate

Mamit District : Mamit