Republic Day vawi 67th-na chu Ni 26.January khan GSA playground Mamit ah ropui taka hman a ni a, he hun ah hian Mamit DC Pi Lalbiaksangi chu khuallian a ni. Khuallian hian Hnam puanzar kuai pharhna a nei a, Parade Contingent te chibai buk a chhanglet a ni. Khuallian chuan thusawi in Mamit District chhunga sawrkar Department hrang hrang te hmalakna leh an hlawhtlinna te a tarlang a. Sawrkar flagship programme NLUP hmang tangkai district kan ni chu lawmawm a tih thu a sawi bawk. Republic Day ngai pawimawha sawrkar hnathawk kalkhawm leh mipui kalkhawm zawng zawngte chungah khuallian chuan lawmthu a sawi bawk a ni. Republic Day lawmna ah hian Parade Contingent 12 awmin, Armed Contingent 1(4th IR Batallion) leh Unarmed contingent 11 te an ni a. St.Francis of Assisi School te chuan Pipe Band hmuhnawm tak an entir bawk a ni.

Khuallian hian field progrmme hman zawh a nih hnu ah District Hospital leh Shelter Home (Social Welfare) te tlawhin thilpek a pe a. Dar 12:30 ah Tourist Lodge Mamit ah sawmbik te pualin At Home neih a ni a, thingpui in ho a ni.

Parade School Contingent lawmman

1) St Francis Of Assisi Boys

2) JNV School

3) New Diamond School.

Essay Writing competition School Dept leh DC office Mamit buatsaih a neih niin Topic atan "Communal & National Integration" tih hmang in neih a ni.